Cronica S. Petri Efordensis moderna

from Monumenta Erphesfurtensia saec. XII, XIII, XIV (p 326)

Anno Domini MCCCIIII. Quidam puer in partibus Hassie est deprehensua. Hic, sicut postea cognitum est, et sieut ipse retulit, cum trium esset annorum, a lupis est captus et mirabiliter educatus. Nam, quamcumque predam lupi pro cibo rapuerant, semper meliorem partem sumentes et arbori circumcucientes ipsi ad vorandum tribuebant. Tempore vero hiemis et frigoris foveam facientes, folia arborum et alias herbas irapo-nentes, puerum superponebant, et se circumponentes, sic eum a frigore defendebant; ipsum eciam manibus et pedibus repere cogebant et secum currere tamdiu, quod ex usu eorum velocitatem imitabatur et saltus maximos faciebat. Hic deprehensus lignia circumligatis erectus ire ad humanam similitudinem cogebatur. Idem vero puer sepius dicebat se multo carius cum lupis, si in se esset, quam cum hominibus diligere conversari. Hic puer in curiam Heinrici principis Hassie pro spectaculo est allatus.